மாட்டுக்கறி சாப்பிடலாம் தப்பில்லை

மாட்டுக்கறி சாப்பிடலாம் தப்பில்லை

மாட்டுக்கறி சாப்பிட்டால் உடலில் உள்ள கெட்ட கொழுப்பை குறைக்கலாம் என்று சமீபத்திய ஆய்வு முடிவு ஒன்று தெரிவித்துள்ளது. மாட்டுக்கறி சாப்பிடுபவர்களை உற்சாகத்தில் ஆழ்த்தியுள்ள அந்த ஆய்வு முடிவின் விபரம்

தினமும் சிறிதளவு மாட்டுக்கறி உண்பவர்களுக்கு எல்.டி.எல் எனப்படும் கெட்ட கொழுப்பு கட்டுப்படுகிறதாம். இது இதயத்திற்கு ஏற்ற உணவு என்றும் டாஷ் (DASH, Dietary Approaches to Stop Hypertension) எனப்படும் உயர் ரத்த அழுத்த நோயில் இருந்து பாதுகாக்கும் என்றும் அந்த ஆய்வு தெரிவித்துள்ளது.

பெனிசில்வேனியா பல்கலைக்கழகத்தைச் சேர்ந்த தி பீப் ஆன் ஆப்டிமல் லீன் டயட் மேற்கொண்ட ஆய்வில் தினசரி சிறிதளவு மாட்டுக்கறி உண்பவர்களின் உடலில் உள்ள கெட்ட கொழுப்பு பத்து சதவிகிதம் வரை குறைந்துள்ளது. 5.4 சதவிகிதத்தில் இருந்து 4.0 சதவிகிதமாக குறைந்தது.

இதன் மூலம் இதயநோய் பாதிப்புகள் தடுக்கப்படுகிறது என்றும் ஆய்வில் ஈடுபட்ட விஞ்ஞானிகள் கூறியுள்ளனர். மேலும் கெட்ட கொழுப்புகள் குறைவதால் ஹைபர் டென்சன் எனப்படும் உயர்ரத்த அழுத்தமும் கட்டுப்படுகிறது என்கின்றனர் விஞ்ஞானிக்கள். இந்த ஆய்வு முடிவு தொடர்பான கட்டுரை அமெரிக்காவில் வெளியாகும் உணவியல் தொடர்பான இதழில் வெளியிடப்பட்டுள்ளது.

மாட்டுக்கறி உடம்பிற்கு நல்லது.மூடர்களின் மூர்க்கத்தனம் வெகு சீக்கிரத்தில் முடிந்துவிடும்.

கதிரவன் நல்ல ஓவியர். கடுமையான காசா நோய். மருத்துவர் மருத்துவம் பார்த்தார். மருந்துகளும் தந்தார். உடல் இளைத்து எலும்பும் தோலுமானார் கதிரவன். ஆனால் மருத்துவர்  கொடுத்த ஒரு நல்ல ஆலோசனை மாட்டுக்கறி சாப்பிடச் சொன்னது. அதை ஒழுங்காக கடைபிடித்தார். ஒரு மாதம் விடாமல் மாட்டுக்கறி சாப்பிட்டார். இப்போது உடம்பு தேறிவிட்டது. காசா நோய் தலைதெறித்து ஓடிவிட்டது. கதிரவன் இப்போது பெரிய பரப்புரை மூலம் நூற்றுக்கணகானவர்களை மாட்டுக்கறி சாப்பிடுபவர்கள் அணியில் சேர்த்துவிட்டார். அறிவியல் வளரத்தானே செய்யும். உலகம் உருண்டை என்று கலிலியோ சொன்னபோது விஷம் கொடுத்து கொன்றார்கள் மூடர்கள். ஆட்சி அதிகாரம் மூடர்கள் கையில் இருந்தது. வரலாற்றில் மூடர்கள் ஆட்சிக்கு வருவது உண்டு. மூடர்களின் மூர்க்கத்தனம் வெகு சீக்கிரத்தில் முடிந்துவிடும்.